Arte eszenikoak barrutik ezagutzeko eta diziplina artistiko horren ezagutza areagotzeko tailerra antolatuko dugu.
Antzerkia eta Torrezabaleko antzokia barrutik ezagutzeko bi eskaintza mota jarri dira martxan 2022an: Antzerkiaren Barrunbeak eta Antzerkia Agerian. Pako Revueltas aktore galdakoztarra ari da Antzerkiaren Barrunbeak tailerrak gidatzen, antzerkiaren alde guztiak begien bistan jarri eta horien balioaz konturatuta gehiago gozatzeko. Askotariko tailerrak, foroak, bilerak, elkarrizketak eta bisitak egiten ari dira horretarako. Bestetik, Ganso & Cía konpainiak bisita gidatu antzeztuak egin ditu Torrezabalen. Oso arrakastatsuak eta aberasgarriak izan dira bi egitasmoak. Horrez gain, Torrezabalera etortzen diren artistak publikoarengana gerturatzeko, haiekin solasaldiak egiten hasi da eta bide hori sustatuko da aurrerantzean ere.
