Egunero
osasunez
bizitzeko
Osasuntsu bizitzea herritarron behar fisikoak eta afektiboak asetzea da, ongizatea dakarten aisialdi, kirol eta zaintza zerbitzuak partekatuz. Naturarekiko lotura ezinbestekoa da bide horretan: natura zaindu eta bizi, geure burua eta etorkizuna babesteko. Herri iraunkorragoa utzi nahi diegu etorkizuneko galdakoztarrei.
-
Foro soziosanitarioa sortu osasun, hezkuntza, gizarte zerbitzu eta bestelako profesionalen artean. Pertsonen ongizaterako planteamendu integrala da.
-
Urreta kiroldegia handitu, dagoen kirol eskaintza zabaltzeko eta hobetzeko.
-
Gorosibaiko energia komunitatea garatu eta energia ekoizten hasi, berriztagarrien aldeko apustua eginez.
-
Teknologia berriak ingurumena zaintzera bideratu: adibidez, CO2 emisioak neurtzea Smart City proiektua garatuz.
-
Hainbat kaleren egituraketa aldatu eta oinezkoei lehentasuna eman, Metroak garraio ohiturak aldatuko dituela baliatuta.
-
Merkadillotik Torrezabal zubirainoko pasealekua oinezko zein bizikletentzat.
-
Eskoletan kirol guneak sortu eta asteburuetan herritarren eskura jarri.
-
Eskola bideen proiektuarekin jarraitu, ikastetxeetara oinez zein bizikletaz joateko. Eskolekin eta txirrindulari elkarteekin elkarlanean egiteko proiektua da.
-
Kiroldegietan jarduera anitzeko tarifa ezarri, tarifa beraren barruan kirol desberdinak praktikatzeko.
-
Ur-hornidura eta saneamendu sareak hobetu, zerbitzu egokia emateko eta isurketak saihesteko, Uraskatik eta Trokatik hasita.
-
2024-2030 Tokiko Klima eta Energia Plana mailaka garatu. Adibidez, eguzki panelak instalatu Elexalden, Urretan eta Torrezabalen.
-
Bilketa pneumatikoa ezartzen jarraitu. Kolitzamendin eta Zuatzaurre-Urtebietan jarriko da hurrengo fasean.
-
Bizikleten eta aulki elektrikoen inplementazioari buruzko azterlana egin, autoaren erabilera murrizteko.
-
Uraska bidegorriarekin lotzeko semaforoa jarri.
-
Gorosibaitik ospitalera oinezkoentzako bidea eraiki.
